Ermənilər Xankəndiyə TOPLANIR - BÖYÜK ŞOK

Ermənilər üçün Qarabağda yaşayış yeri tapılmır.

Oxu24.com  Axar.az-a istinadla xəbər verir ki, xüsusilə problem Xocalı rayonu ərazisində yaranıb. Belə ki, rayon ərazisində qaçqınların sayı çoxalıb.

“Sputnik Ermənistan”a açıqlamasında Xocalı rayonunun (keçmiş Əsgəran rayonu) administrasiya sədrinin müavini Armen Manqasaryan rayon ərazisində 2230 nəfərin qaçqın düşdüyünü və onların Ermənistana göndərildiyini bildirib. O, Şelli və Xaçındərbətli kəndlərinin boşaldılmasından sonra buradan 400 nəfərin çıxacağını deyib.

Ermənilər üçün əsas problem yaşayış yerləridir. Belə ki, Xocalı, Ağdam ərazilərindən çıxarılanları Xankəndiyə köçürmək mümkün olmur, çünki həmin ərazidə Şuşa və Hadrutdan gələn ermənilərin yerləşdirildiyi bildirilir. Üstəlik, Manqasaryan Ermənistandan Qarabağa geri qayıdan ermənilərin bir hissəsinin də ev tapmaqla bağlı problemlərinin ortaya çıxdığını bildirib.

Laçın və Kəlbəcər rayonlarına İrəvanın qanunsuz yerləşdirdiyi insanların da buradan çıxmaqla bağlı problemləri yaranıb. Qarabağ bəyanatına əsasən, bu bölgələri tərk etməli olan ermənilərə yüklərin daşınması ilə bağlı Ermənistanın heç bir qurumu yardım etmək istəmir. İnsanların müraciətlərinə rəğmən dövlət qurumları günahı bir-birinin üzərinə ataraq, cavabdeh olmaqdan boyun qaçırırlar.

Problem təkcə dövlət qurumları yox, özəl qurumlarla da bağlı yaranır. Dövlətdən heç bir dəstək ala bilməyən ermənilər öz pulları ilə yük avtomobilləri da tapa bilmirlər. Belə ki, onlara bunun üçün deyilən qiymət çox bahadır.

Qeyd edək ki, Kəlbəcər Azərbaycana 25 noyabr, Laçın isə 1 dekabrda təhvil verilməlidir.