Rusiyanın paytaxtı Moskvada koronavirus testi müsbət nəticələnmiş on dörd nəfər ölüb.

Oxu24.com   RİA “Novosti”yə istinadən xəbər verir ki, bu barədə operativ qərargahdan bildirilib.

Məlumata görə, ölənlər 29-88 yaşlı pasiyentlərdir. Onların hamısında digər xəstəliklər mövcud olub.

Qeyd edək ki, Rusiyada 28 mindən çox insanda koronavirusa yoluxma qeydə alınıb, 2 300-dən çox pasiyent sağalıb. Ölkədə 232 nəfər COVID-19 infeksiyasının qubanı olub. 

Xatırladaq ki, koronavirus ilk dəfə ötən ilin dekabrında Çinin Uhan şəhərində aşkarlanıb. Hazırda COVID-19 infeksiyası 210 ölkədə və regionda qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.