İspaniyada koronavirusdan ölənlərin sayı 15 mini ötdü

İspaniyada son sutkada daha 683 nəfər koronavirusdan ölüb.

Oxu24.com  xəbər verir ki, bunu ölkənin Səhiyyə Nazirliyi açıqlayıb.

Bildirilib ki, bununla da pandemiya qurbanlarının sayı 15 238-ə çatıb.

Bundan başqa, qeydə alınmış yoluxmaların sayı da 5 756 nəfər artaraq 152 446-ya yüksəlib.

Qeyd edək ki, ötən gün ölənlərin ümumi sayı 14 555 nəfər olub.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 209 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 1 523 000-i ötüb. Bunların 332 800 nəfəri sağalıb, 88 956 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.