Qaynar xətt:

(+99450) 247 90 86

40 il şkafda gizlədilib - 150 ​​milyonluq sərvət tapıld

40 il şkafda gizlədilib - 150 ​​milyonluq sərvət tapıld

DÜNYA

75

10.11.2026, 18:04

Google
Xəbərlərimizi Google-da izləyin
Yeniliklərdən dərhal xəbərdar olun
Abunə ol

ABŞ-da yaşlı qadının evində təxminən 40 il gizli saxlanılan rəsm əsəri milyonlarla dollar dəyərində nadir sənət nümunəsi kimi üzə çıxıb.

Oxu24.com  xəbər verir ki, Nyu-Yorkun Manhetten rayonundakı mənzildə xəz paltoların arxasında yerləşdirilmiş taxta qutuda tapılan əsərin məşhur amerikalı rəssam Corciya O'Kiffə məxsus olduğu təsdiqlənib.

“Abiquiu yaxınlığında, Nyu-Meksiko I” adlanan rəsm 1930-cu ildə yaradılıb və Nyu-Meksiko ştatındakı Lobo zirvəsini təsvir edir. Təxminən 25x61 santimetr ölçüsündə olan əsərin orijinallığı incəsənət mütəxəssisləri tərəfindən təsdiqlənib.

Rəsm yaşlı xalasına əşyalarını toplamağa kömək edən Betsi adlı qadın tərəfindən aşkarlanıb. Məlum olub ki, əsər 1960-cı illərdə sahibinə anası tərəfindən məzuniyyət hədiyyəsi olaraq verilib və uzun müddət evin divarından asılıb. Lakin 1980-ci illərdə bir qonağın rəsmə həddindən artıq maraq göstərməsi sahibini oğurluq təhlükəsindən narahat edib. Bundan sonra əsər yenidən qutusuna qoyularaq şkafda gizlədilib və təxminən 40 il orada qalıb.

Tarixi sənədlərə əsasən, rəsm 15 aprel 1963-cü ildə Nyu-Yorkdakı Şəhər Mərkəzi Qalereyasından 3800 dollara alınıb. Hazırda onun bazar dəyərinin təxminən 3 milyon dollar olduğu qiymətləndirilir.

İtmiş hesab edilən sənət əsəri 17 noyabr 2026-cı ildə Nyu-Yorkda “Christie's” hərrac evində satışa çıxarılacaq. Hərracdan əvvəl, noyabrın 7-dən 17-dək rəsm ziyarətçilər üçün pulsuz nümayiş etdiriləcək.

Məlumata görə, əsərin sahibi olan yaşlı qadın rəsm yenidən aşkar edildikdən qısa müddət sonra 98 yaşında vəfat edib.Musavat.com