Ermənistana "təcili" olaraq 50 milyon dollar ayrılıb

$Ermənistana \"təcili\" olaraq 50 milyon dollar ayrılıb$

DÜNYA

413

04.06.2026, 15:55

Avropa Komissiyasının sədri Ursula fon der Leyen, Rusiyanın Ermənistan kənd təsərrüfatı məhsullarının idxalına qoyduğu məhdudiyyətlərdən sonra Ermənistan üçün 50 milyon avrodan çox dəyərində təcili yardım paketinin hazırlandığını elan edib.

Oxu24.com xəbər verir ki,O, bu açıqlamanı Ermənistanın Baş naziri Nikol Paşinyanla telefon danışığından sonra verib.

"Bu gün Baş nazir Nikol Paşinyanla Rusiyanın Ermənistana qoyduğu son məhdudiyyətlər barədə danışdım. Bu, iqtisadi məcburiyyətdən başqa bir şey deyil və qəbuledilməzdir. Moskva Ermənistan məhsullarına ixrac məhdudiyyətlərini genişləndirməklə iqtisadi münasibətlərdən siyasi təzyiq göstərmək üçün silah kimi istifadə edir. Biz bu taktikanı çox yaxşı bilirik. Məhz buna görə də Avropa Ermənistanı qətiyyətlə dəstəkləyir. Biz AB dəstək tədbirləri paketi hazırlayırıq. Buraya 50 milyon avrodan çox dəyərində təcili maliyyə yardımı daxildir. Bir sıra Ermənistan malları, xüsusən də kənd təsərrüfatı məhsulları üçün ticarətin asanlaşdırılması tədbirləri də daxildir", - deyə o bildirib.

Von der Leyen əlavə edib ki, AB Yerevanda keçirilən son sammitdə əldə edilən razılaşmalar çərçivəsində Avropa və Ermənistan biznesləri arasında əlaqələri gücləndirməyə davam edəcək.

Onun sözlərinə görə, bu təşəbbüslər üzrə gələcək irəliləyişlər 23 iyunda keçiriləcək bağlantı platformasının nazirlər səviyyəsində görüşündə müzakirə olunacaq.

"Bütün bu sahələrdə effektiv koordinasiyanı təmin etmək üçün biz Aİ-Ermənistan birgə işçi qrupunun yaradılması barədə razılığa gəldik. Bu qurum bütün bu təşəbbüslərin həyata keçirilməsinə, eləcə də gələcəkdə görüləcək hər hansı əlavə tədbirlərə nəzarət edəcək", - deyə o əlavə edib.

Jalə

Həmçinin oxuyun