Trampın İranla bağlı yeni planı üzə çıxıb

DÜNYA

24.03.2026, 09:26

Tramp administrasiyası İrana qarşı yeni hərbi variantları, o cümlədən İran neft ixracının əsas mərkəzi olan Xarq adasının ələ keçirilməsini nəzərdən keçirir.

Oxu24.com xəbər verir ki,bu barədə "The New York Times" qəzeti Amerika və İsrail rəsmilərinə istinadən məlumat yayıb.

Qəzetin məlumatına görə, ABŞ prezidenti hərbi ssenarilərdən birini kənara qoyub, lakin İrandakı hədəflərə zərbələr endirməyə davam edir. Bölgəyə əlavə Amerika qüvvələri yerləşdirilir və Ağ Ev daha aqressiv əməliyyatları müzakirə edir.

Nəzərdən keçirilən variantlar arasında yüksək dərəcədə zənginləşdirilmiş uran saxlayan obyektlərin təhlükəsizliyini təmin etmək üçün yerüstü əməliyyat da var. Amerika rəsmiləri vurğulayırlar ki, konkret ssenarilər üzrə qərardan asılı olmayaraq Tehrana hərbi təzyiq artacaq.

Həmçinin oxuyun

SON DƏQİQƏ!DYP xəbərdarlıq yaydı

Şamaxı Azərbaycanın yeni turizm mərkəzinə çevrilir – Prezidentin səfəri və ekspert rəyi

Daha bir ölkə İranla müharibəyə girməyə hazırlaşır — TƏCİLİ

“Velizar” saxlanılıb? - SON DƏQİQƏ

Daha əvvəl Tramp ABŞ və İranın son iki gündə Yaxın Şərqdə hərbi əməliyyatların tam və hərtərəfli dayandırılması ilə bağlı çox məhsuldar danışıqlar apardığını bildirmişdi.

Siyasətçi Tehranla dialoqun konstruktiv xarakter daşıdığını qeyd etmiş və cavab olaraq ABŞ Hərbi Nazirliyinə əmr vermişdi. O, davam edən görüşlər və müzakirələrin uğurla başa çatmasına qədər hərbçilərə İran elektrik stansiyalarına və enerji infrastrukturuna zərbələri beş gün dayandırmağı tapşırmışdı. ABŞ prezidentinin sözlərinə görə, iki ölkə arasında danışıqlar bir həftə davam edəcək.

Nigar