İsrailin İranda bu planı baş tutmadı: Türkiyə mane olubmuş

DÜNYA

540

23.03.2026, 14:20

"Benyamin Netanyahu hökuməti və Donald Tramp administrasiyası müharibə ilə yanaşı eyni vaxtda xalq üsyanını başlatmaqla İran rejimini zəiflətməyi hədəfləyirdilər. Lakin Mossad rəhbəri Devid Barneanın bu istiqamətdəki planları gerçəkləşmədi. Üç həftə sonra İranda kütləvi üsyan baş vermədi və kəşfiyyat qiymətləndirmələri Tehran rejiminin zəifləməsinə baxmayaraq, hələ də nəzarəti qoruduğunu göstərdi. ABŞ və İsrail daxilində şübhə ilə baxılan bu strategiya müharibə planlaşdırmasında əsas səhvlərdən biri hesab olunur, İran isə münaqişəni qızışdırmaqla cavab verdi".

Oxu24.com xəbər verir ki, The New York Times qəzetinin məlumatına görə, ABŞ və İsrailin İranda müharibə ilə yanaşı eyni vaxtda xalq üsyanını başlatmaq gözləntiləri münaqişənin üçüncü həftəsində özünü doğrultmadı. İsrail kəşfiyyatının proqnozlaşdırdığı ssenari yerindəcə gerçəkləşməsə də, İran rejimi zəifləməsinə baxmayaraq, mövcudluğunu qorudu.

Məlumata görə, planın bir hissəsi separatçı qrupları dəstəkləməklə bağlı idi. Bildirilib ki, İsrailin bu qruplarla uzunmüddətli əlaqələri var və həm Mossad, həm də MKİ keçmişdə bu qüvvələri dəstəkləyib. Həmçinin bildirilib ki, müharibənin ilk günlərində İsrailin şimal-qərbi İrana hücumları bu irəliləyişi asanlaşdırmaq məqsədi daşıyırdı.

Lakin ABŞ-ın bu strategiyaya uzaq yanaşması və Türkiyənin sərt etirazları planın həyata keçirilməsini daha da çətinləşdirdi. Bildirilib ki, Türkiyə rəsmiləri Vaşinqtona separatçı qrupları dəstəkləməyə qarşı açıq bir mesaj veriblər.

Jalə

Həmçinin oxuyun