İrana hücum olacaq? -Polkovnik gözlənilənləri AÇIQLADI  

İranın xarici işlər naziri Abbas Arakçı Cenevrədə dünən  keçirilən görüşlər  barədə danışarkən deyib ki,İran və ABŞ konstruktiv danışıqlar aparıblar.

"Tərəflər mümkün yeni nüvə sazişinin mətninə daxil ediləcək bir sıra rəhbər prinsiplər üzrə razılığa gəliblər”,-deyə iranlı nazir qeyd edib.

Arakçı həmçinin  bildirib ki, İran və ABŞ nüvə sazişi layihəsinin  hazırlanıb müzakirə edildikdən sonra danışıqların üçüncü mərhələsi üçün tarix təyin edəcəklər.

“Danışıqların ikinci mərhələsi zamanı İran və ABŞ əvvəlki məsləhətləşmələrdən daha ciddi məsələləri müzakirə ediblər”,-deyə Arakçı bildirib.

Son baş verənlər  iddia edilən İran-ABŞ müharibəsinin arxa plana keçməsi demək deyil ki? 

Oxu24.com-un mövzu ilə bağlı  sualını hərbi ekspert,ehtiyatda olan polkovnik, Azərbaycan Müdafiə Nazirliyinin Hərbi Polisinin keçmiş rəisi  Rövşən Məhərrəmov cavablandırıb. 

O, bildirib ki, Fars körfəzində gərginlik  hələki qalır. 

"ABŞ artıq ikinci təyyarə daşıyan və onu müşahidə edən gəmiləri həmin körfəzə yaxın məsafələrə göndərir.ABŞ-nin İran  qarşısında qoyduğu şərtlər İslam Respublikası  üçün çox ağırdır. Bu şərtləri yerinə yetirmək mümkünsüzdür. 

Bilirsiniz ki, İran özü böyük bir dövlətdir və  özünün ballistik raketləri var. Əgər, İrandakı hərbi -strateji obyektlər hədəfə alınırsa, İran rəsmi şəkildə buna cavab olaraq ABŞ-nin  yaxınlıqda olan bazalarına, həmçinin, hərbi gəmi karvanına zərbələr endirə bilər.

Hətta, bu haqda İran rəsmiləri tərəfindən dəfələrlə açıqlamalar verilib.Əminəm ki,bu, belə də olacaq. 

Həmçinin oxuyun

   “Avto Kredit" VERƏNLƏR diqqətli olsun! 

Nazirlər Kabinetindən Gəncə ilə bağlı QƏRAR

İran Netanyahunu öldürdü?  

Prezident təsdiqlədi: CƏRİMƏLƏR...

ABŞ admisitrasiyası, eləcə də Prezident Tramp gözəl başa düşür ki, İrana raket zərbələri endirilən an, onlar yerində sakit oturub tamaşa etməyəcək. İran qonşu dövlətlərdə yerləşən ABŞ-nin   hərbi bazalarını da, körfəzə  yığılmış  gəmiləri də  darmadağın edəcək. 

Bu isə müharibənin miqyasını böyüdəcək və həm ABŞ, həm də ABŞ-yə   neft daşıyan, Birləşmiş Ştatlarla  ticarət əlaqələri olan  ölkələr üçün  böyük itkilər deməkdir. 

Odur ki, ABŞ İranla Oman danışıqlarında və  (1-ci raund ) Cenevrə görüşlərində   maraqlı olduğunu ortaya qoydu. 

Bundan başqa əgər ABŞ İrana hücum edəsi olarsa, Fars körfəzi ilə  ABŞ-yə  və eləcə də  Avropa ölkələrinə neft daşıyan ölkələr körfəzdən keçmək hüququnu itirəcək.Bu səbəblər  kifayət edir  ki, ABŞ İranla razılaşmalarla  nəticələnən görüşləri  davam etdirsin.

Bəli, ötən gün ABŞ dövlət katibi Marko Rubio  Budapeştdə Macarıstanın baş naziri Viktor Orbanla görüşərkən dediklərində haqq var. Cənab Rusio deyir ki, İranla razılaşmaq çətindir, amma bizi narahat edən məsələləri diplomatik yolla nəzərə alan İranla razılığa gəlmək imkanı var.

Düşünürəm ki,  iddia olunan  müharibə riski  əslində yoxdur. Hazırda görünən mənzərə güc nümayişindən , danışıqlar masasında  diktə edən tərəf olmaq havası yaratmaqdan başqa bir şey deyil. Tərəflər danışıqlar masası arxasında iki böyük dövlət arasında gərginliyə səbəb olan  məsələləri həll edəcəklər”-deyə hərbi ekspert Rövşən Məhərrəmov vurğulayıb.

Əntiqə Rəşid