Rusiyada miqrantlara şok qərar: Tibbi müayinə qaydaları kəskin sərtləşdirildi

DÜNYA

581

10.02.2026, 19:52

Rusiyada miqrantlarla bağlı tələblər sərtləşdirilir. Rusiya Federasiyasının Dövlət Duması miqrantlar üçün tibbi müayinədən keçmə qaydalarını daha da sərtləşdirən qanun layihəsini birinci oxunuşda qəbul edib. Yeni dəyişikliklər ölkəyə daxil olan əcnəbilərin sağlamlıq nəzarətini gücləndirməyi və miqrasiya prosesinə nəzarəti artırmağı hədəfləyir.

Oxu24.com xəbər verir ki, Rusiya Federasiyasının Dövlət Duması tərəfindən müzakirəyə çıxarılan layihəyə əsasən, miqrantların tibbi müayinədən keçməsi üçün nəzərdə tutulan müddət 90 gündən 30 günədək azaldılır. Bundan əlavə, tibbi müayinə artıq illik əsasda keçiriləcək və onun xərcləri tam şəkildə əcnəbi vətəndaşın özü tərəfindən ödəniləcək.

Qanun layihəsində mühüm dəyişikliklərdən biri də tibbi müayinələr zamanı vasitəçilik fəaliyyətinin qadağan olunmasıdır. Belə ki, miqrantlar yalnız dövlət tərəfindən səlahiyyət verilmiş tibb müəssisələrində müayinədən keçə biləcəklər. Bununla yanaşı, tibbi müayinədən keçmək iş icazəsinin alınması, müvəqqəti yaşama icazəsi və ya patentin yenidən rəsmiləşdirilməsi üçün məcburi şərt olacaq.

Həmçinin oxuyun

DİN açıqlama yaydı: 200 nəfər SAXLANILIB

Saat 10:00-dan 12:00-dək işıq olmayacaq – BU ƏRAZİLƏRDƏ

Bu insanları görənlər şoka düşür - Onlara nə olub? -VİDEO

Pensiya yaşı ilə bağlı yeni təklif

Rəsmi dairələr bildirir ki, bu dəyişikliklər miqrantların sağlamlıq vəziyyətinə nəzarətin gücləndirilməsinə və qeyri-qanuni vasitəçilik hallarının qarşısının alınmasına xidmət edir. Qanun layihəsinin növbəti oxunuşlarda daha da təkmilləşdiriləcəyi istisna olunmur.KONKRET.az