"Gözəl qızlar" və... Lavrovun Epşteyn sənədlərində 140 dəfədən çox adı çəkilir

Epşteynin daxili sənədlərində Lavrov və Avropa elitasının nümayəndələrinin iştirak etdiyi qeyri-rəsmi görüşlər, hədiyyələr və danışıqlar müzakirə olunur.

Oxu24.com -un xarici mediaya istinadla məlumatına görə, Rusiyanın xarici işlər naziri Sergey Lavrovun adı Ceffri Epşteyn faylları" adlanan sənəddə - maliyyəçinin yaxın çevrəsinə aid daxili yazışmalar, qeydlər və hesabatlarda ən azı 142 dəfə çəkilir.

Ən ətraflı fraqment 2018-ci il oktyabrın 8-nə aiddir. Həmin gün Epşteyn o vaxtkı Slovakiya xarici işlər naziri Miro Layçakla yazışıb. Söhbət Moldovadan olan "gözəl qızlar"dan gedir və onlardan hansının "Miroya çatmalı" olduğu müzakirə olunur.

Eyni söhbətdə Epşteyn Lavrovun uzun müddətli həmkarı, Rusiyanın BMT-dəki daimi nümayəndəsi Vitali Çurkinin hədiyyəsindən bəhs edir və həmçinin Çurkinin Lavrovla birlikdə çəkdirdiyi şəklini də göndərir. Layçak cavab olaraq deyir: "Görək sabah Lavrov mənə nə verəcək".

Epşteyn həmçinin Rusiya xarici işlər naziri ilə şəxsən görüşmək istədiyini yazıb. Oktyabrın 9-da Layçak "Lavrovu sevdiyini" bildirib və daha sonra onunla üç saat yarım vaxt keçirdiyini və görüşü siqarla başa vurduğunu bildirib. Lakin açıq mənbələrdə bu müddət ərzində Layçakla Lavrov arasında hər hansı rəsmi və ya qeyri-rəsmi danışıqların aparıldığı barədə heç bir məlumat yoxdur.

Həmçinin oxuyun

Müğənnilərə efir qadağasını kim qoyub? – Açıqlandı 

Azərbaycan ordunu hazırlıq vəziyətinə gətirdi - İrana mesaj 

Müdafiə Nazirliyinin yeni MƏLUMATI

Krediti olanlara vacib xəbər!

Lavrovun adı həmçinin Epşteyn ilə Avropa Şurasının o vaxtkı baş katibi Turbern Yaqland arasında 2016-cı ildə yazışmalarda da yer alır. Söhbətdə Epşteyn Yaqlandın Vladimir Putinlə görüşünün mümkün vaxtı ilə maraqlanıb və cavab verib: detallar ertəsi gün Lavrovla müzakirə olunacaq.

Bundan əlavə, Lavrov Epşteynin köməkçiləri tərəfindən hazırlanmış daxili qeydlərində də görünür. Belə sənədlərdən birində Lavrovun o vaxtkı ABŞ dövlət katibi Con Kerri ilə Suriya ilə bağlı danışıqları günün əsas hadisəsi kimi qeyd olunur - materiallara görə, Epşteynin bu mövzunu yaxından izlədiyi mövzu idi.

Epşteyn və Vitali Çurkin arasındakı yazışmalar əvvəllər ictimaiyyətə açıqlanıb. Söhbət rusiyalı diplomatın oğlu Maksimə ABŞ-a uyğunlaşmaqda və iş tapmaqda kömək etməkdən gedir. Yazışmalarda Epşteyn məxfiliyin vacibliyini vurğulayıb, Çurkin isə onu "gözəl müəllim" adlandırıb və ziyarətə dəvət edib.Lent.az