Fransa Rusiya neftindən imtina etdikdən sonra itkilərini etiraf etdi

news/2025_05_19/fransaaaa_1747649461.jpg

DÜNYA

497

30.10.2025, 17:31

Fransanın enerji şirkəti TotalEnergies Rusiya neft ticarətini könüllü olaraq dayandırdığı üçün zərərə düşüb.

Oxu24.com xəbər verir ki, bu barədə şirkətin baş direktoru Patrik Puyanne konfrans zəngi zamanı bildirib.

Puyannenin sözlərinə görə, şirkət 2022-ci ilin sonunda Rusiya nefti ticarətini dayandırıb ki, bu da onu bəzi hallarda rəqibləri ilə müqayisədə əlverişsiz vəziyyətə salıb.

"Bildiyiniz kimi, TotalEnergies 2022-ci ilin sonunda Rusiya nefti ticarətini dayandırıb. Bəzi hallarda digər şirkətlərlə müqayisədə özümüzü cəzalandırmışıq", - deyə TotalEnergies-in baş direktoru bildirib.

Eyni zamanda, Puyanne bu yanaşmanın Rusiyaya qarşı beynəlxalq sanksiyalara riayət etməyin düzgün yolu olduğunu vurğulayıb.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

İyun ayında Rusiya Federasiyası Hökuməti yanında Milli Enerji Təhlükəsizliyi Fondunun və Maliyyə Universitetinin aparıcı eksperti İqor Yuşkov qeyd edib ki, Fransa maliyyə maraqlarını itirməkdən narahat olduğu üçün Rusiya qazına qarşı sanksiyaları dəstəkləmir. Onun sözlərinə görə, bu narahatlıq Fransanın Rusiya enerji sektoru ilə sıx iqtisadi əlaqələrindən qaynaqlanır. Xüsusilə, Fransanın TotalEnergies şirkəti hələ də Rusiyanın qaz istehsalçısı Novatek şirkətində paya sahibdir.

Ekspertin sözlərinə görə, Fransa şirkəti Yamal LNG və Arctic LNG 2 layihələrində də paya sahib olduğundan korporativ səviyyədə ciddi itkilərə məruz qalmaq riski daşıyır.

Daha əvvəl yeddi Aİ ölkəsi Rusiyadan enerji idxalını artırmışdı.

Nigar