Əfqanıstanın Pakistanla toqquşmalardan sonra atəşkəs istəyib

news/2025_10_15/pakistan_asker_aa_2355671_1760532209.jpg

DÜNYA

550

15.10.2025, 16:40

Əfqanıstan hökuməti ölkənin Spin Boldak bölgəsi və Pakistanın Çaman bölgəsində baş verən qarşıdurmalardan sonra atəşkəs istəyib.

Oxu24.com xəbər verir ki, Kəraçidə yerləşən Geo News telekanalına danışan təhlükəsizlik rəsmiləri bildiriblər ki, Pakistan ordusu Əfqanıstan qüvvələrinə məxsus çoxlu sayda post və tankları məhv edib.

Rəsmilər Spin Boldak və Çaman bölgələrində baş verən qarşıdurmalardan sonra Əfqanıstan hökumətinin atəşkəs tələb etdiyini iddia edib.

Rəsmilər Əfqanıstan hökumətinin sosial şəbəkələrdə Pakistanın hərbi döyüş texnikasını ələ keçirdiyini iddia edən “saxta” videolar yaydığını və bu görüntüləri “həqiqətə uyğun olmayan və əsassız” adlandırdığını bildirib.

Pakistan Ordusunun İctimaiyyətlə Əlaqələr Departamentinin (ISPR) bəyanatında həmçinin Əfqanıstanın Hayber-Paxtunxvadakı sərhəd məntəqələrinə hücumlar təşkil etdiyi bildirilib.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Bəyanatda əlavə edilib ki, hücumlara cavab olaraq 6 tank məhv edilib və təxminən 25-30 əfqan qüvvəsi öldürülüb.

Digər bir bəyanatda ISPR Hindistan ordusunun Bihar və Qərbi Benqaldakı seçkilər ərəfəsində təkrarladığı "təxribatçı ritorika"nı tənqid edərək, bu cür bəyanatların regional sülh və sabitlik üçün ciddi risk yaratdığını iddia edib.

Bəyanatda vurğulanır ki, ölkələr indi Hindistanı “transsərhəd terrorizmin əsl siması və regional qeyri-sabitliyin episentri” kimi görürlər.

2021-ci ildə Taliban Əfqanıstanda nəzarəti ələ keçirdikdən sonra Pakistan yeni administrasiyadan Pakistan Talibanına (TTP) qarşı tədbirlər görməsini tələb edir.

İslamabad hökuməti terror təşkilatı kimi təsnif etdiyi və ərazisində çoxsaylı hücumlar həyata keçirən TTP-nin Əfqanıstanda yerləşdiyini, Kabil hökumətinin isə təşkilata qarşı tədbir görmədiyini vurğulayır.

Nigar