Ukrayna qaz hasilatının yarıdan çoxunu itirib

Bloomberg mənbələrə istinadən xəbər verir ki, Rusiyanın Ukraynanın enerji infrastrukturuna zərbələri ölkənin təbii qaz hasilat imkanlarının təxminən 60%-ni sıradan çıxarıb.

Oxu24.com   xəbər  verir   ki, mənbələrin məlumatına görə, qaz obyektlərinə ən çox zərər vuran oktyabrın 3-də Xarkov və Poltava vilayətlərinin kütləvi atəşə tutulması olub.

Yanacaq hasilatının yarıdan çoxunu itirməsi nəticəsində Kiyev qarşıdan gələn qışdan çıxmaq üçün xarici bazarlardan təqribən 4,4 milyard kubmetr və ya ölkənin illik istehlakının 20 faizini almalı olacaq.

Bunun üçün təxminən 2,2 milyard dollar lazımdır.

Bloomberg mənbələrinə görə, Ukrayna artıq Qərb tərəfdaşlarından enerji infrastrukturunun təmiri üçün avadanlıq istəyib və əlavə hava hücumundan müdafiə sistemləri də istəyib.

Kiyev həmçinin vacib qaz idxalının ödənilməsi üçün kömək istəyib.

Həmçinin oxuyun

"7 dəqiqədən sonra cənab Prezidentə məlumat verdim" - Ceyhun Bayramovdan  5 ildən sonra MÜHÜM AÇIQLAMA 

Paşinyandan Əliyevə qəribə sual: “...istəyirsiz məni öldürsülər?”  

General-polkovnik Əli Nağıyev üçün özəl gün 

Prezidentin general rütbəsi verdiyi polkovnik  KİMDİR?  - DOSYE

"Rusiya qazımızı hasil etməyimizə mane olmaq üçün hər şeyi edəcək. Bütün bunları qorumaq çətin olacaq. Problem qaz idxal etmək üçün pulun olmasıdır ki, insanlar qazla təmin olunsun", - Ukrayna prezidenti Vladimir Zelenski bildirib.

Bloomberg xəbər verir ki, 2025-ci ilin əvvəlindən Ukrayna xarici təchizatçılardan 4,58 milyard kubmetr, o cümlədən ötən istilik mövsümünün sonundan 3,67 milyard kubmetr qaz alıb. Əvvəllər Ukrayna hakimiyyəti ilin sonuna qədər 5,8 milyard kubmetr idxal etməyi planlaşdırırdı, lakin Rusiyanın zərbələrindən sonra tərəfdaşlarına bu rəqəmin artacağı ilə bağlı xəbərdarlıq ediblər. Energetika naziri Svitlana Qrinçuk daha əvvəl bəyan etmişdi ki, idxal təxminən 30% və ya 1,38 milyard kubmetr artmalı olacaq. Onun sözlərinə görə, Kiyev hazırda tərəfdaşları ilə əlavə yanacaq tədarükü üçün maliyyələşdirməni müzakirə edir.

“Naftoqaz Ukrainy” dövlət şirkəti vəziyyəti şərh etməkdən imtina edib, lakin baş direktor Serhiy Koretskyi sosial mediada G7 və Beynəlxalq Valyuta Fondunun nümayəndələri ilə “məhsuldar” görüş barədə məlumat verib. "Tərəfdaşlarımız vəziyyətin mürəkkəbliyini başa düşürlər", - Koretski qeyd edib.

Bloomberg mənbələrinə görə, Avropa Yenidənqurma və İnkişaf Bankı (AYİB), Avropa İnvestisiya Bankı (AİB) və Avropa Komissiyası artıq Ukraynanın enerji sektoruna əlavə yardım göstərməyi nəzərdən keçirir.

Nigar