Ukrayna Rusiyaya təzyiqləri artırır

DÜNYA

516

04.10.2025, 23:15

Ukrayna prezidenti Vladimir Zelenski şənbə günü Rusiyaya qarşı yeni sanksiyaları imzalayıb.

Oxu24.com xəbər verir ki, bu barədə RBC-Ukrayna dövlət başçısının axşam videomüraciətinə istinadən məlumat yayıb.

Zelenskinin sözlərinə görə, yenilənmiş məhdudiyyətlər bir neçə əsas sahəni əhatə edir.

Birinci fərman rusiyalı sahibkarlara və onların “Putin sistemi” ilə əlaqələrinə qarşı əvvəllər tətbiq edilmiş sanksiyaları genişləndirir.

İkinci sənəd Rusiyanın müdafiə sənayesini, xüsusən də pilotsuz təyyarələr və komponent istehsalçılarını hədəf alır. Üçüncü fərman Rusiyanın neft sektoru ilə əlaqəli şəxslərə və şirkətlərə məhdudiyyətlər qoyur.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

"Biz Rusiyaya təzyiq göstərmək üzrə hərtərəfli siyasətimizi davam etdiririk. Biz bunu tərəfdaşlarımızla koordinasiya etməyə davam edəcəyik. Ukraynada baş verən bir çox hadisələr artıq tərəfdaşlarımızın sanksiyaları üçün əsas təşkil edir. Biz sanksiyalarımızı tərəfdaşlarımızın sanksiyaları ilə sinxronlaşdıracağımızı gözləyirik", - Ukrayna lideri bildirib.

Zelenski qeyd edib ki, Kiyev Aİ-nin ABŞ-dan 19-cu sanksiya paketini və müvafiq tədbirləri qəbul etməsini gözləyir. O vurğulayıb ki, Rusiya sistematik olaraq müharibəni bitirmək və təhlükəsizliyi təmin etmək üçün bütün imkanlara məhəl qoymur və rədd edir. Ukrayna liderinin sözlərinə görə, Rusiya prezidenti Vladimir Putin sırf “terrorçu və qorxaq üsullarla” müharibə aparmaq niyyətindədir.

"Rusiya buna cavabı hiss etməlidir. Avropa, Amerika, G7 və G20-nin istənilən terrorçu ilə mübarizə aparmaq gücü var. Bu baş verəcək. Həyatın qorunmasına kömək edən hər kəsə təşəkkür edirəm", - dövlət başçısı yekunlaşdırıb.

Nigar