Qaynar xətt:

(+99450) 247 90 86

Gürcüstanda polislərə hücum oldu

DÜNYA

965

16.07.2025, 15:37

Qori bələdiyyəsinin Xeltubani kəndində (Gürcüstan, Şida Kartli bölgəsi) polis əməkdaşlarına hücum olub.

Oxu24.com   xəbər  verir   ki, nəticədə 3 polis əməkdaşı bədən xəsarətləri alaraq xəstəxanaya yerləşdirilib.

Bu barədə Gürcüstanın Daxili İşlər Nazirliyi məlumat yayıb.

Hadisə iyulun 15-də polis əməkdaşlarının xidmətdə olduğu vaxt baş verib.

Daxili İşlər Nazirliyindən verilən məlumata görə, hüquq-mühafizə orqanlarının əməkdaşları avtomobili texniki baxışdan keçirmək üçün saxlayıblar və müəyyən ediblər ki, sürücü azyaşlı - 2009-cu il təvəllüdlü, sürücülük vəsiqəsi olmadan avtomobil idarə  edir.

Polis əməkdaşları cinayətin qarşısını almağa çalışdıqdan sonra S.S və onu müşayiət edən bir neçə nəfər fəal müqavimət göstərib. Münaqişə zamanı polis əməkdaşlarına qarşı bıçaqla  hücum  ediblər. Hüquq-mühafizə orqanlarının 3 əməkdaşı müxtəlif dərəcəli bədən xəsarətləri alıb və xəstəxanaya çatdırılıb, onlara tibbi yardım göstərilir.

1979-cu il təvəllüdlü G.S., 1989-cu il təvəllüdlü S.S. və V.S.-yə hücumla bağlı cinayət işi açılıb. 

Miri