HƏMAS açıqlama yayıb

news/2025_03_03/hamas_bayragi_aa_1603133_1741016936.jpg

DÜNYA

316

03.03.2025, 20:05

Həmdan yaydığı videoda İsrailin atəşkəs razılaşmasını pozması ilə bağlı açıqlamalar verib.

HƏMAS Hərəkatının Siyasi Bürosunun üzvü Usamə əl-Həmdan bildirib ki, vasitəçilər Qəzzada atəşkəs razılaşmasının qorunması üçün üzərinə düşəni etməli və İsrailin baş naziri Benyamin Netanyahunu razılaşmanın ikinci mərhələsinə keçməyə məcbur etməlidir.

Həmdan İsrailin pozuntularının 6 maddə altında qruplaşdırıldığını qeyd edərək, bunların "yardım və sığınacaq, humanitar protokol, sahədəki pozuntular, məhbuslar, Rəfah Sərhəd Qapısı və Filadelfi Dəhlizi və siyasi pozuntular" olduğunu bildirib.

Həmdan beynəlxalq ictimaiyyəti atəşkəsin ikinci mərhələsi üçün Netanyahuya təzyiq göstərməyə çağırıb:

“Biz beynəlxalq ictimaiyyəti və BMT-ni işğalçıları razılaşmaya qayıtmağa və daimi atəşkəs, bütün qüvvələrin çıxarılması, xalqımıza yardım və sığınacaq verilməsi, işğal nəticəsində dağıdılmış ərazilərin yenidən qurulmasını ehtiva edən ikinci mərhələyə keçməyə məcbur etmək üçün səy göstərməyə çağırırıq”.

Həmçinin oxuyun

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Gəncləşmiş ölümlərin səbəbi bu imiş? — Mütəxəssisdən ŞOK XƏBƏRDARLIQ

Zəlzələ BAŞ VERDİ

Həmdan həyat qurtaran yardımların Qəzzaya daxil olması üçün sərhəd qapılarının açılmasını istəyib və "Fələstinlilərin öz müqəddəratını təyinetmə hüququnu, paytaxtı Qüds olan müstəqil, suveren Fələstin dövlətinin qurulmasını və qaçqınların geri qaytarılmasını təmin edən BMT Təhlükəsizlik Şurasının 2735 saylı qətnaməsinin" icrasını tələb edib.

Həmdan vurğulayıb ki, atəşkəsin pozulmasının qarşısını almaq və razılaşmanın davamını təmin etmək üçün bütün səylər vasitəçilərin və zaminlərin üzərinə düşür.

Üsamə əl-Həmdan çıxışında İsrailin müqaviləni ləğv edərək tamamilə yeni bir razılaşma yaratmağa çalışdığına və yenidən sıfır nöqtəsinə qayıtmağın tərəfdarı olduğuna diqqət çəkib.