Britaniya ABŞ-ın Rusiyaya qarşı sanksiyaları tezliklə ləğv edəcəyini bildirib

ABŞ tezliklə Rusiyaya qarşı sanksiyaları ləğv edə bilər.

 

Oxu24.com xəbər verir ki, bu barədə Britaniyanın Financial Times (FT) qəzeti məlumat yayıb.

 

Nəşrin məlumatına görə, Rusiya ilə ABŞ arasında Ər-Riyadda aparılan danışıqlar zamanı Rusiya tərəfi “cazibədar işgüzar təkliflərin uzun bir siyahısını” təqdim edib.

 

"ABŞ-ın Rusiyaya qarşı sanksiyalarının tezliklə ləğvini gözləyin", - FT bildirib.

 

Fevral ayında ABŞ dövlət katibi Marko Rubio bildirmişdi ki, ABŞ Ukraynada davam edən münaqişəyə son qoymaq üçün razılıq əldə olunana qədər Rusiyaya qarşı sanksiyaları davam etdirəcək. Bloomberg-in məlumatına görə, Rubio bir qrup avropalı həmkarını Rusiyaya qarşı sanksiyaların “vaxtından əvvəl” ləğv edilməyəcəyinə inandırıb.

 

Bundan əvvəl iqtisad elmləri namizədi, Rusiya Federasiyası Hökuməti yanında Maliyyə Universitetinin dövlət maliyyəsi kafedrasının dosenti İqor Balınin demişdi ki, ruslar realist olmalı və ABŞ-ın Rusiyaya qarşı sanksiyalarının tam ləğvinə ümid etməməlidirlər. Onun sözlərinə görə, ABŞ bəzi sanksiyaları ləğv edə və başqa bir bəhanə ilə dərhal bu və ya digər formada yeni sanksiyalar tətbiq edə bilər. O əlavə edib ki, Vaşinqton iqtisadi sanksiyaları tamamilə ləğv etməyə çalışmayacaq.

 

Bundan əvvəl Qərb bəyan etmişdi ki, Amerika sanksiyaları götürülsə, Avropa sanksiyaları faydasız olacaq.

 

Nigar