Suriya hakimiyyəti Rusiya ilə hərbi bazaların gələcəyi ilə bağlı danışıqlar aparır

Suriyanın yeni hakimiyyət orqanları Rusiya ilə Suriya ərazisindəki hərbi bazaların gələcəyi ilə bağlı danışıqlar aparırlar.

 

Oxu24.com xəbər verir  ki,bunu Suriyanın keçid hökumətinin müdafiə naziri Murhaf Əbu Kəsra deyib.

 

“Bu məsələnin son ​​həllinin necə olacağı hələ də bəlli deyil. Biz hələ heç bir göstəriş almamışıq.Bununla belə, bizim rəhbərliyimiz tərəfindən Suriya Xarici İşlər Nazirliyinin iştirakı ilə aparılan danışıqlar davam edir”, o, “Əl Ərəbi” telekanalına müsahibəsində qeyd edib.

Bir gün əvvəl Suriyanın “Əl Vətən” qəzeti Tartus əyalətinin gömrük departamentinin direktoru Riad Cudiyə istinadən xəbər vermişdi ki, Suriyanın yeni hakimiyyət orqanları 2019-cu ildə Rusiya şirkəti ilə Tartus dəniz limanının idarə edilməsinə dair investisiya müqaviləsini ləğv edib.

“Rusiya şirkəti ilə imzalanmış Tartus limanına investisiyalar haqqında müqavilə ləğv edilib. Limanın fəaliyyətindən əldə edilən bütün gəlirlər Suriya dövlətinin maraqları üçün istifadə olunacaq. Liman işçiləri müqavilədə razılaşdırılmış yeniləmələr olmadan şirkətin istifadə etdiyi köhnəlmiş avadanlığın təmirinə qayıdacaqlar ",deyə Judi bildirib.

 

Nigar