Rusiya Xarici İşlər Nazirliyi Tramp dövründə ABŞ ilə münasibətlərdən danışıb

Donald Trampın inauqurasiyasından sonra Rusiya ilə ABŞ arasında münasibətlərin dövrü əhəmiyyətli dərəcədə gözlənilməzlik ilə xarakterizə olunacaq.

 

Oxu24.com  xəbər verir ki, bunu Rusiya Federasiyası xarici işlər nazirinin müavini Sergey Ryabkov deyib.

 

O, ABŞ və Kanadanın G. A. Arbatov İnstitutunda çıxışı zamanı vəziyyəti şərh edib.

 

"Düşünürəm ki, qarşıdan gələn dövr təkcə xeyli sayda çağırışla deyil, həm də artan dəyişikliklər tempi və yüksək dərəcədə gözlənilməzlik və zəif proqnozlaşdırıla bilənliklə bağlı olacaq", - Rusiya XİN rəhbərinin müavini bildirib.

 

2025-ci il yanvarın 20-də ötən ilin noyabrında keçirilən seçkilərdə qalib gələn Tramp rəsmi olaraq dövlət başçısı vəzifəsinin icrasına başlayıb. İnauqurasiya mərasimindən sonra o, Ağ Evdə jurnalistlərlə görüşüb və deyib ki, Rusiya prezidenti Vladimir Putinlə “çox yaxında” telefon danışığı ola bilər.

 

Həmin gün Rusiya lideri Rusiya Təhlükəsizlik Şurasının daimi üzvləri ilə operativ müşavirədə iştirak edib. Görüşdə o qeyd edib ki, Moskva Vaşinqtonla dialoqdan heç vaxt imtina etməyib və Amerikanın yeni administrasiyası ilə qarşılıqlı əlaqəyə hazırdır.

 

Bundan əvvəl Tramp Putini ağıllı lider adlandırmışdı.

 

Nigar