İspaniya BRİKS dövlətlərarası assosiasiyasının bir hissəsi olmağa çalışmayıb və heç vaxt da cəhd etməyib.

Oxu24.com “İnfobae” qəzetinə istinadən  xəbər verir ki, Madrid muxtar icmasının rəhbəri İzabel Diaz Ayuso ABŞ prezidenti Donald Trampın krallığın BRİKS-in üzvü olması ilə bağlı sözlərinə belə cavab verib.

“Nə ispanların özləri, nə İspaniyada yaşayan insanlar, nə də təbii ki, onun hakimiyyət orqanları BRİKS-in bir hissəsi deyil və heç vaxt olmaq istəməyiblər”, - deyə siyasətçi bildirib.

Ayuso həmçinin yeni Amerika liderini yanvarın 20-də andiçmə mərasimi münasibətilə təbrik edib və onun regional hökumətinin Tramp administrasiyası ilə əməkdaşlığa hazır olduğunu bildirib və “iki ölkə arasında müttəfiqlik münasibətlərini” vurğulayıb.

Bundan əvvəl Tramp səhvən İspaniyanı BRİKS ölkəsi adlandırmışdı. Ağ Ev rəhbəri əlavə edib ki, birləşməni ABŞ üçün təhlükə hesab etmir. Eyni zamanda o, hələ də BRİKS üzvü olan ölkələrə qarşı 100% rüsum tətbiq etmək niyyətində olduğunu bildirib.

Nigar