Əslən azərbaycanlı iş adamı Mövsümov Nazim Məmməd oğlu Moskvanın şimalında yerləşən məşhur “Savelovski” ticarət kompleksini alıb. 

 Oxu24.com    xəbər verir ki, bu barədə Rusiya mətbuatı yazıb. 

Biznesmen həmçinin ticarət mərkəzinin ətrafındakı torpaqlara sahib olan “Business Investments” şirkətinə yiyələnib.

Qeyd olunur ki, sövdələşmə yanvarın 13-də bağlanıb. Bu vaxta qədər əmlakın sahibi Kiprdə qeydiyyatdan keçmiş "Toloro Limited" şirkəti  idi.

"Savelovski" ticarət kompleksi Suşçevski Val küçəsində, Savelovski dəmir yolu stansiyasının yanında yerləşir. Onun ümumi sahəsi təxminən 57,7 min kvadratmetrdir. Ətrafındakı torpaq sahəsi isə təxminən 6 hektara yaxındır. 

Məlumata görə, Nazim Mövsümov əvvəllər Savelovskiyə məxsus olan "Toloro Limited" şirkətinin rəhbəridir, lakin biznesmen onun sahibi deyil. O, daha iki şirkətin - "Capital Investment" və "Meridian"ın sahibidir.