İrandan üzən gəmi Həştərxan vilayətində Volqa-Xəzər kanalında quruya çırpılıb.

Oxu24.com xəbər verir  ki,bu barədə Rusiya Fövqəladə Hallar Nazirliyinin region üzrə Baş İdarəsinin mətbuat xidməti məlumat yayıb.

“Fars Sofia” motorlu gəmisi Volqa-Xəzər Dəniz Gəmiçiliyi Kanalının 152-ci km-də quruya çırpılıb”, - məlumatda deyilir.

Gəmi İranın Əmirabad limanından Həştərxana üzürmüş.

Hadisə nəticəsində ekipaj üzvlərindən heç biri xəsarət almayıb. Gəmidə qida ehtiyatı var. Fövqəladə Hallar Nazirliyindən əlavə ediblər ki, gəmi zədələnməyib və yanacaq dağılmadı.

Dekabrın 15-də Kerç boğazında Volqoneft-212 və Volqoneft-239 adlı iki neft tankeri batıb. Gəmilər neft məhsulları daşıyarkən ekstremal hava şəraitinə düşüblər: qəzaya güclü küləklər və yeddi bal gücündə dəniz dalğaları səbəb olub. Suyun səthində xarakterik bir təbəqə əmələ gətirən neft məhsullarının dağılması baş verdi. İstintaq Komitəsi gəmilərin istismarı qaydalarının pozulması faktı ilə bağlı cinayət işləri açıb.

Nigar