Şiə hərbi-siyasi hərəkatı Ənsar Allah (Husilər) açıq şəkildə bəyan edib ki, dənizdəki hücumlarını birbaşa İsraillə əlaqəsi olan gəmilərlə məhdudlaşdıracaq.

Oxu24.com bu barədə ABC News-a istinadən  xəbər verir.

Qeyd olunur ki, bu, husi nümayəndələrinin yükgöndərənlərə göndərdiyi elektron məktubdan irəli gəlir.

Bəyanatda 2023-cü ilin noyabrından əvvəl hücum etdikləri digər gəmilərə qarşı “sanksiyaları ləğv etdikləri” bildirilib.

“Hər hansı bir təcavüz olarsa  təcavüzkar dövlətə qarşı sanksiyalar bərpa olunacaq. Bu cür tədbirlər həyata keçirildiyi təqdirdə sizə dərhal məlumat veriləcək”, mətndə deyilir.

Bundan əvvəl husilər ABŞ Hərbi Dəniz Qüvvələrinə məxsus təyyarədaşıyan USS Harry Truman gəmisinə Qırmızı dənizdə bölgəyə gəldikdən sonra yeddinci dəfə hücum etdiklərini bildirmişdilər.

Ənsar Allah hərəkatı da İsrailin cənubuna və mərkəzinə kütləvi hücumlar təşkil etdiyini bildirib. Onlar Umm ər-Rəşraş bölgəsində İsrailin həyati əhəmiyyətli hədəflərini hədəf alan hərbi əməliyyat keçiriblər. Əməliyyat dörd qanadlı raketdən istifadə etməklə həyata keçirilib və qarşıya qoyulan məqsədə uğurla nail olunub.

Nigar