Rusiyanın Murmansk vilayətində yük və sərnişin qatarlarının toqquşması nəticəsində yaralananların sayı 31 nəfərə çatıb. 

Oxu24.com xəbər verir ki, bu barədə məlumatı Rusiya Dəmir Yolları öz teleqram kanalında açıqlayıb. 

Bildirilib ki, xəsarət alanlardan beşi uşaqdır. 

Yaralılardan dördünün vəziyyəti ağırdır. 

Xatırladaq ki, hadisə dekabrın 18-də axşam saatlarında baş verib. Yük qatarının Murmansk – Sankt-Peterburq sərnişin qatarı ilə toqquşması nəticəsində 2 nəfər həlak olub. Daha əvvəl yayılan məlumatda 25 nəfərin xəsarət aldığı qeyd olunmuşdu.