Zaxarova Moldovanı qazın pulunu ödəməyə çağırıb

Moldova Rusiyadan “şantaj” sözlərindən əl çəkərək ölkənin istifadə etdiyi qazın pulunu ödəməlidir.

Oxu24.com xəbər verir ki,bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinq zamanı deyib.

Zaxarova qeyd edib ki, Moldovanın neytral statusuna baxmayaraq, onun hökuməti NATO ilə “flört etməkdə” davam edir.

“Prezident Maia Sandu keçən həftə Brüsselə səfər etdi və burada Rusiyanın qaz şantajından şikayət etdi. Bir növ qaz şantajı. İstifadə olunanların pulunu ödəməyin vaxtı gəldi” ,deyə o bildirib.

Bu yaxınlarda Moldova hakimiyyətinin Ukrayna ərazisindən qaz tranziti ilə bağlı qeyri-müəyyənlik səbəbindən 60 gün müddətinə fövqəladə vəziyyət tətbiq etdiyi barədə məlumat yayılmışdı.

Daha sonra Maliyyə Universitetinin və Milli Enerji Təhlükəsizliyi Fondunun eksperti İqor Yuşkov bildirib ki, Moldova üçün Rusiya qazını itirmək riski böyükdür, lakin hər şey Rusiya, Ukrayna və Avropa ölkələri arasında razılaşmalardan asılıdır.

Bundan əvvəl Moldovada hökumətə etimadsızlıq səsverməsi irəli sürülüb.

 

Nigar