Kursk vilayətində yüzlərlə Şimali Koreya əsgəri həlak olub

Associated Press agentliyinin dekabrın 18-də yüksək rütbəli hərbçiyə istinadən verdiyi məlumata görə, Kursk vilayətində bir neçə yüz Şimali Koreya əsgəri ölüb və ya yaralanıb.

Oxu24.com xəbər verir  ki, agentlik qeyd edir ki, bu, Rusiya tərəfində döyüşən Şimali Koreya kontingentinin itkilərinin ilk təxminidir.

Agentliyin mənbəsi dəqiq neçə Şimali Koreya əsgərinin öldüyünü açıqlamayıb, yalnız qeyd edib ki, Şimali Koreya qoşunlarının döyüş əməliyyatlarında iştirak təcrübəsi olmadığı üçün xeyli itki verib.

Bundan əvvəl Pentaqon və Ağ Ev Şimali Koreya hərbçilərinin Kursk vilayətində ilk döyüşlərdə itki verdiyini bildirsələr də, təfərrüatları açıqlamayıblar.

ABŞ hakimiyyətinin məlumatına görə, döyüşlərdə əsasən Şimali Koreya piyadaları iştirak edir. KXDR-dən olan hərbi qulluqçular Kursk vilayətində həm Rusiya bölmələri ilə birlikdə, həm də müstəqil şəkildə döyüşür.

Agentliyin həmsöhbətlərinin verdiyi hesablamalara görə, Rusiya Ukraynaya müdaxilə zamanı hər gün ölən və yaralanan 1200-ə qədər hərbçi itirir. Ancaq indiyə qədər, onlar hesab edirlər ki, kadr itkisini kompensasiya edə bilib

 

Nigar