Finlandiya prezidenti Ukraynaya sülhməramlıların göndərilməsi imkanlarını dəyərləndirib

Finlandiya prezidenti Alexander Stubb hesab edir ki, Ukraynaya sülhməramlı kontingentin mümkün göndərilməsini müzakirə etmək hələ tezdir.

 

Oxu24.com xəbər verir  ki,  bu barədə o, Tallində keçirdiyi brifinqdə bildirib.

 

“Biz özümüzdən qabağa getməməliyik. Yadda saxlamalıyıq ki, sülhməramlı missiyalar çox vaxt beynəlxalq hüquqa əsaslanır, bu isə o deməkdir ki, BMT-dən gələn mandat var və aydın sülh nizamlanması var”, - Stubb bildirib.

 

Finlandiya rəhbəri əlavə edib ki, 1982-ci ildə Liviyada ABŞ-ın mövqeyində olmaq istəməzdi.

 

Dekabrın 16-da Polşanın xarici işlər naziri Radoslav Sikorski bildirib ki, Aİ xarici işlər nazirləri son iclasda münaqişə başa çatdıqdan sonra Ukraynaya sülhməramlı missiya göndərilməsi ideyasını müzakirə etməyiblər.

 

Bundan əvvəl Reuters xəbər vermişdi ki, Aİ ölkələri arasında Ukraynaya qoşun göndərilməsi ilə bağlı konsensus yoxdur.

 

Bundan əvvəl Kreml Aİ sülhməramlılarının Ukraynaya mümkün göndərilməsini şərh edib.

Nigar