İsrail əsgərləri Suriyanın Tartus əyalətində yerləşən hava hücumundan müdafiə sistemlərinə hücum edib.

Oxu24.com xəbər verir  ki, bu barədə TASS əyalətdəki mənbəyə istinadən  məlumat yayıb.

“Onlar Tartus bölgəsini vurdular, bura sement zavodudur, orada Suriyanın hava hücumundan müdafiəsi var idi. Güclü bir şey var idi, hətta telefonlardakı proqramlar zəlzələni qeydə aldı”, - mənbə bildirib.

Agentliyin həmsöhbəti əlavə edib ki, hücumun hədəfi əyalətin paytaxtı Tartus şəhərindən kənarda olub.

Dekabrın 16-na keçən gecə Livanın “Əl Manar” telekanalı İsrail hərbi hava qüvvələrinin Suriyada yerləşən hərbi obyektlərə hücum etdiyini bildirib. Onun sözlərinə görə, Tartusun şərq çölündə “güclü partlayışlar” baş verib.

Daha sonra SHOT Telegram kanalı İsrail Hərbi Hava Qüvvələrinin təyyarələrinin Tartus şəhərində yerləşən hərbi anbarlara hücum etdiyini bildirib. Bundan əlavə, İsrail aviasiyası Həma, Homs və Latakiya əyalətlərindəki hərbi hədəflərə hücum edib.

Bundan əvvəl Suriya müxalifətinin lideri İsraili ölkəyə qanunsuz hücumda ittiham edib.

Nigar