Budapeşt Bakı və İrəvana təklif etdi

Macarıstanın xarici işlər naziri Peter Szijarto Bakı və İrəvanı Budapeştdə sülh müqaviləsi imzalamağa dəvət edib.

 

Oxu24.com xəbər verir  ki, İrəvanda keçirilən beynəlxalq forum zamanı macar nazir deyib ki, müharibə heç vaxt döyüş meydanında bitmir, danışıqlar masası arxasında olur.

 

Onun sözlərinə görə, Budapeşt bu yaxınlarda Ermənistanla diplomatik münasibətləri bərpa edib. Bundan sonra ikitərəfli ticarət rekordu qırdı və paytaxtlar arasında uçuşlar başladı. Szijarto qeyd edib ki, Macarıstan eyni zamanda Azərbaycanla strateji əməkdaşlıq və enerji sektorunda sıx əməkdaşlıq edir.

 

“Bu, bizi iki ölkə arasında sülh müqaviləsini yekunlaşdırmağa kömək etmək mövqeyinə qoyur. İki tərəflə bu yaxınlarda apardığım danışıqlar zamanı sülh müqaviləsinin imzalanması üçün yer kimi Budapeştin seçilməsi variant kimi təklif olundu”, - deyə macar nazir bildirib.

 

Miri