Xarici valyuta alışlarının artması səbəbindən rubl zəifləyə bilər

Rusiya Maliyyə Nazirliyi rublun məzənnəsinə təzyiq göstərə biləcək xarici valyuta və qızıl alışını geniş miqyasda artırmağa hazırlaşır.

 

Oxu24.com xəbər verir  ki, bu barədə RİA Novosti məlumat yayıb.

 

Sentyabr-oktyabr aylarında idarə Milli Rifah Fondunun doldurulmasına 172,9 milyard rubl xərcləməyi planlaşdırır ki, bu da avqustun göstəricilərindən 7 dəfə çoxdur. Gündəlik alış həcmi 8,2 milyard rubl təşkil edəcək.

 

İqtisadçı Andrey Loboda milli valyutanın mümkün zəifləməsini proqnozlaşdırır.

 

Bu tədbirlər neftin qiymətinin dəyişməsi zamanı ölkənin gəlirlərinin sabitləşməsinə yönəlmiş fiskal qayda çərçivəsində həyata keçirilir.

 

Maliyyə Nazirliyinin məlumatına görə, sentyabrda neft və qaz gəlirləri 162 milyard rubl təşkil edəcək. 2023-cü ilin səkkiz ayı ərzində bu rəqəm 7,5 trilyon rubla çatıb və ötən ilin səviyyəsini üstələyib.

“Qızıl-valyuta ehtiyatlarının toplanması effektiv antiböhran tədbiridir. Qiymətli metal qeyri-sabit vaxtlarda aktivləri diversifikasiya etməyə və onların təhlükəsizliyini təmin etməyə kömək edir”, - müştərilərə dəstək və satış şöbəsinin rəhbəri Aleksandr Şnayderman bildirib.

Avqustun sonunda məlum olub ki, son on ildə Rusiya və Çin qızıl ehtiyatlarını əhəmiyyətli dərəcədə artırıblar: Rusiya - 1035-dən 2333 tona, Çin - 1054-dən 2235 tona. Ekspertlər bunu geosiyasi gərginlik və de-dollarizasiya ilə bağlı müzakirələrlə əlaqələndirirlər.

 

Miri