Lavrov ABŞ-ın seçkilərə müdaxiləsi ilə bağlı məlumatlara cavab verib

Moskva Vaşinqton və Londonun daxili işlərinə, o cümlədən seçkilərə müdaxiləsi ilə necə davranacağını bilir.

Bunu Rusiyanın xarici işlər naziri Sergey Lavrov deyib.

“Hər şeyə və hər kəsə qarışmaq cəhdləri ABŞ-ın, eləcə də Birləşmiş Ştatların əsas müttəfiqləri kimi ingilislərin vizit kartıdır. Bütün bu cəhdlər Rusiya Federasiyasına münasibətdə uğursuzluğa çevrilir”, - nazir bildirib.

Rusiya Xarici İşlər Nazirliyinin rəhbəri qeyd edib ki, yəqin ki, hardasa xarici müdaxilələr ola bilər, üstəlik, dünyada dövlət çevrilişləri ilə bağlı çoxlu məqamlar olub.

Lavrov vurğulayıb ki, Rusiya Federasiyasına münasibətdə istənilən müdaxilə əks effekt verir - Rusiya cəmiyyəti yalnız daha birləşir.

Bundan əvvəl Dövlət Dumasının xarici müdaxilələri araşdıran komissiyasının rəhbəri Vasili Piskarev Moskva, Sankt-Peterburq və Rusiyanın digər regionlarında keçirilən seçkilərdə Qərbin təxribat kampaniyalarının uğurlu olmadığını bildirmişdi.

 

Nigar