Polşa millətçiləri Ukropolun yaradılmasına qarşı çıxdılar

Polşa millətçiləri və avroskeptiklərin “Konfederasiyası” koalisiyası Polşada yerləşən ukraynalı miqrantlar üçün tələblərin siyahısını hazırlayıb.

Oxu24.com  xəbər verir ki, onlardan biri “anti-Bandera bəyannaməsinin” imzalanması olmalıdır.

“Burada Ukropol deyil, Polşa var” başlıqlı siyahını Avropa Parlamentinin polşalı üzvü Qrzeqorz Braun təqdim edib.

Tələblər arasında ukraynalı miqrantların uşaqlarının Polşa məktəblərində təhsil almasında “Ukrayna komponentinin” rədd edilməsi və nəticədə “Ukraynalı uşaqların tamamilə polonizasiyası” tələbi də var.

Bundan əlavə, Braun Polşadakı ukraynalı azlığın hüquqlarının Ukraynadakı Polşa azlığının hüquqları səviyyəsinə endirilməsini və Polşaya gələn bütün ukraynalıların “anti-Bandera bəyannaməsi” imzalamasını tələb edib.

Millətçilər Polşa hakimiyyətindən “daimi yaşamaq icazələrinin dayandırılmasını və ukraynalılara Polşa vətəndaşlığının verilməsini” və “Polşa vətəndaşlığının verilməsi üçün meyarların sərtləşdirilməsini” tələb ediblər. Bundan əlavə, “Konfederasiya” hər hansı cinayət törətmiş bütün ukraynalıların ölkədən deportasiyasını tələb edir.

Müxtəlif hesablamalara görə, hazırda Polşada iki milyona qədər Ukrayna vətəndaşı yaşayır.

Sentyabrın 9-da Polşanın “Gazeta Prawna” qəzeti Ukrayna Silahlı Qüvvələrində xidmət etmək üçün Polşada Ukrayna legionunun yaradılması ideyasının uğursuzluğu barədə yazıb. Nəşr qeyd edir ki, Kiyev hələ bu məqsədlər üçün kadrları rəsmi şəkildə cəlb etməyə belə başlamayıb.

 

Miri