Ermənistan və Avropa İttifaqı getdikcə yaxınlaşır

İrəvan  və Brüssel viza rejiminin liberallaşdırılması ilə bağlı danışıqlara başlayır, Ermənistanın baş naziri Nikol Paşinyan Avropa Komissiyasının rəhbərinin müavini Marqaritis Şinasla görüşdə deyib.

"Mən şadam ki, münasibətlərimizdə nəzərəçarpacaq dəyişikliklər var: viza rejiminin liberallaşdırılması ilə bağlı danışıqlar başlayır, Avropa Sülh Fondu ilə Ermənistan Respublikasına dəstək vermək qərarına gəlib, biz bunu yüksək qiymətləndiririk", - baş nazir bildirib.

Bu barədə Ermənistan Nazirlər Kabinetinin mətbuat xidməti məlumat yayıb.

Paşinyanın sözlərinə görə, Ermənistan faktiki olaraq Aİ ilə gündəmi genişləndirir. O əlavə edib ki, hazırda Ermənistanın Avropa İttifaqına daxil olması prosesinin başlanmasının mümkünlüyü ilə bağlı müzakirələr aparılır. "Bu, çətin məsələdir, lakin Ermənistanın siyasi gündəminin bir hissəsinə çevrilib, ona görə də bu mövzuya ətraflı və hərtərəfli yanaşmaq lazımdır", - Ermənistan hökumətinin başçısı bildirib.

Marqaritis Şinas viza rejiminin liberallaşdırılması üzrə dialoqda Ermənistan hökuməti ilə səmərəli əməkdaşlığa ümid etdiyini bildirib.

 

Miri