Moskvada güclü yanğın: Ölənlər var

Moskva yaxınlığındakı Odintsovoda dayanacaqda baş verən yanğın zamanı iki nəfər ölüb.

Oxu24.com xəbər verir  ki, bu barədə Fövqəladə Hallar Nazirliyinin mətbuat xidmətindən məlumat verilib.

Rayon prokurorluğu qeyd edib ki, gün ərzində Lesnoy Qorodok kəndinin Qribovskaya küçəsində yerləşən çoxmərtəbəli dayanacaqda təmir işləri aparılan zaman yanğın baş verib. Hadisənin dəqiq səbəbləri yanğın-texniki ekspertizadan sonra müəyyən ediləcək.

Mash Telegram kanalının məlumatına görə, yanğın zamanı azı 20 avtomobil yanıb.

Bir gün əvvəl Sankt-Peterburqda binanı yandırmaqda şübhəli bilinən şəxs saxlanılıb. Hadisə Krasnoqvardeyski rayonunda, Metallistov prospektində yerləşən mağazada baş verib. Hüquq-mühafizə orqanlarının əməkdaşlarının sözlərinə görə, yanğını qonşu dövlətlərdən birinin rayonda qeydiyyatı olmayan 50 yaşlı vətəndaşı törədib.

Hadisə yerindən çəkilmiş kadrlarda əcnəbi qadının kuryerlər üçün avadanlıq və çantaların olduğu yardım otağına daxil olması görünür. Bundan sonra qadın girişdəki divara naməlum maye tökərək onu yandırır, sonra sürətlə qaçır. Hadisə zamanı xəsarət alan olmayıb.

 

Miri