İndoneziyanın elitar terrorla mübarizə bölməsi "Densus 88" Cakartaya səfəri zamanı Papa Fransiski hədələdiyi üçün yeddi nəfəri həbs edib.

OXU24.COM xəbər verir ki, bu barədə ABŞ-ın “Barron” maliyyə jurnalında məlumat yer alıb.

“Densus 88” Papanın səfəri münasibətilə sosial şəbəkələrdə təbliğat və ya terror aktı törətmək vədləri şəklində təhdidlər dərc edən yeddi şəxsə qarşı məhkəmə iddiası qaldırıb”, - nəşr yazıb.

Qeyd edilir ki, başqa şeylərlə yanaşı, pontifikin marşrutu boyunca yandırma təhdidləri də səsləndirilib. Cakarta ətrafındakı şəhərlərdə, eləcə də bəzi əyalətlərdə qanun pozucuları saxlanılıb.

Məlumata görə, sentyabrın 5-də İndoneziyanın paytaxtında Roma Papası Fransiskin təşkil etdiyi ayində təxminən 87 min katolik iştirak edib. Hadisə "Gelora Bung Karno" stadionunda baş tutub. Kütləvi mərasimdə İndoneziya prezidenti Coko Vidodo da iştirak edib.