Tayvan sahillərində yük gəmisi batıb

Qaemi qasırğasının yaratdığı fırtınada qalan yük gəmisi Tayvan sahillərində batıb, 9 ekipaj üzvü itkin düşüb.

 

Oxu24.com xəbər verir ki, bu barədə Çin Mərkəzi Televiziyası məlumat yayıb.

 

Hadisənin Kaohsiung limanının sularında baş verdiyi bildirilir.Gəmi Tanzaniya bayrağı altında üzürdü və ekipajı Myanmadan idi.

Super Qaemi tayfunu iyulun 25-nə keçən gecə Yilan qraflığı yaxınlığında Tayvanı vurub. Qasırğa səbəbindən Tayvanda qatarların hərəkəti dayandırılıb və əksər reyslər ləğv edilib. Tropik siklon hazırda Tayvan boğazındadır və Çinin şərqindəki Fujian əyalətinə doğru irəliləyir. Axşama doğru sahilə çatmalıdır.

Bundan əvvəl Naqoya Universitetinin yapon alimləri iqlim dəyişikliyinin və dəniz suyunun temperaturunun artmasının tayfunlara necə təsir etdiyini müəyyən ediblər. Onların fikrincə, tropik siklonlar Cənub-Şərqi Asiya sakinləri üçün böyük təhlükə yaradaraq, dünyada təbii fəlakətlərin ən təhlükəli növlərindən biri olaraq qalır.

 

Nigar