Husilər Rusiya yüklərini daşıyan tankerlərə hücum ediblər

Yəmənin husi üsyançıları 24 saat ərzində Qırmızı dənizdə Rusiya yüklərini daşıyan iki tankerə hücum edib.

 

“Arab News” xəbər verir ki, bu barədə ABŞ Hərbi Dəniz Qüvvələrinin bəyanatında deyilir.

 

İlk vurulan, Rusiyadan Çinə bitki yağı daşıyan Panama bayrağı altında üzən İsrailə məxsus Bentley I oldu. Husilər ona tərəf partlayıcı maddələr olan bir pilotsuz təyyarə və iki kiçik minalı qayıq göndərib, daha sonra gəmiyə doğru ballistik raket atıblar. Lakin onlar tankerə zərər verə bilməyiblər.

Daha sonra üsyançılar Liberiya bayraqlı, Marşal adalarında qeydiyyatdan keçmiş Chios Lion neft tankerini uzaqdan idarə olunan qayıqla atəşə tutub və zədələyiblər. Tanker Krasnodar diyarındakı Tuapse limanından 100 min ton xam neft daşıyırdı.

Qırmızı Dəniz və Ədən Körfəzinin Birgə Dəniz İnformasiya Mərkəzi (JMIC) bildirib ki, nəticədə Yəmənin liman şəhəri Hudeydadan təxminən 185 km şimal-qərbdə, Qırmızı dənizdə neft sızması baş verib. Mərkəzdən verilən məlumata görə, Chios Lion sol tərəfinə cüzi ziyan vurub.

"Gəmi əvvəlcə cənuba doğru gedirdi, lakin hücumdan sonra zərəri daha da qiymətləndirmək və mümkün neft sızıntısını araşdırmaq üçün geri dönüb və təhlükə zonasından şimala doğru yola çıxdı" dedi JMIC.

Yəmən husiləri iyulun 13-də İsrailin Qəzza zolağının cənubundakı Xan Yunis şəhərinə endirdiyi ölümcül hava hücumuna cavab olaraq tankerlərə hücum etdiklərini bildiriblər.

 

Miri