Polşa avqustun 1-dən Belarusla sərhədin mühafizəsi üçün xüsusi əməliyyata başlayacaq və orada Polşa Silahlı Qüvvələrinin 17 minə qədər hərbi qulluqçusu iştirak edəcək.

Oxu24.com xəbər verir  ki, bu barədə Polşa Müdafiə Nazirliyinin rəhbəri Vladislav Kosiniyak-Kamış mətbuat konfransı zamanı bildirib.

Onun sözlərini RİA Novosti yayıb.

“17 minə qədər əsgərin iştirak edəcəyi bir “Təhlükəsiz Podlasie” missiyası olacaq” deyən o, bunun sərhəd mühafizə missiyalarının və onun mühafizəsi ilə bağlı xüsusi təlimlərin tamamlanmasından sonra baş verəcəyini  bildirib.

Kosiniak-Kamış əlavə edib ki, vəziyyət tələb edərsə, Varşava əlavə qüvvələr ayırmağa hazırdır.

Əvvəllər bildirilirdi ki, Polşa Belarusla sərhəddə hasarın möhkəmləndirilməsini və modernləşdirilməsini planlaşdırır. Polşa səlahiyyətliləri 2021-ci ildəki miqrasiya böhranının təkrarlanmasından qorxurlar.

Eyni zamanda, Polşanın Baş naziri Donald Tusk ümid edir ki, Avropa İttifaqı işin maliyyələşdirilməsinə qoşulacaq, çünki “bu, təkcə Polşanın deyil, xarici sərhəddir”.

Miri