Kreml Putinin təhlükəsizliyini gücləndirir

Kreml ABŞ-ın keçmiş prezidenti Donald Trampa sui-qəsd və Slovakiyanın baş naziri Robert Fikonun həyatına sui-qəsd cəhdindən sonra prezident Vladimir Putinin təhlükəsizliyinin gücləndirilməsini zəruri hesab etmir.

 

Oxu24.com xəbər verir  ki, bunu Rusiya prezidentinin mətbuat katibi Dmitri Peskov son hadisələr fonunda təhlükəsizlik tədbirlərinin gücləndirilməsinin mümkünlüyü ilə bağlı sualı belə cavablandırıb.

“Təhlükəsizlik, başa düşdüyünüz kimi, qeyd etdiyiniz hadisələrdən asılı olmayaraq, məlum səbəblərə görə gücləndirilib. Yalnız bir daha təkrar edə bilərik ki, dövlət başçısının təhlükəsizliyi lazımi səviyyədə təmin olunub”, - Peskov bildirib.

Onun sözlərinə görə, bu istiqamətdə “görülməsi lazım olan hər şey edilir”. Eyni zamanda, mətbuat katibi aydınlıq gətirdi ki, kəşfiyyat xidmətləri “ümumilikdə gərginliyin” artmasını nəzərə alır.

İyulun 13-də Pensilvaniya ştatının Butler şəhərində ABŞ-ın keçmiş prezidenti Donald Trampın mitinqdə çıxışı zamanı onun həyatına qəsd olub. Siyasətçi sağ qulağından yaralanıb, tamaşaçılar arasında isə bir nəfər ölüb. 20 yaşlı atıcı Tomas Metyu Kruks yerindəcə öldürülüb.

 

Nigar