ABŞ Konqresinin Daxili Təhlükəsizlik Komitəsinin nümayəndələri ölkəyə qanunsuz daxil olan və İslam Dövləti terror qruplaşması  ilə əlaqədə şübhəli bilinən Tacikistandan olan səkkiz kişinin saxlanılmasından sonra daxili təhlükəsizlik naziri Alejandro Mayorkasdan izahat tələb edirlər.

 

Oxu24.com xəbər verir  ki,  bu barədə “The New York Post” yazır.

 

Məktubda Mayorkalardan tələb olunur ki, sərhədçilərin bu Tacikistan vətəndaşları sərhədi keçərkən onların terrorla əlaqəsi haqqında hər hansı məlumatı olub-olmadığını aydınlaşdırsınlar.

 

Bundan əlavə, təhlükəsizlik komitəsinin nümayəndələri FTB onlara təhlükə barədə məlumat verənə qədər sərhəd qurumlarının miqrantlara necə nəzarət etdiyini izah etməyi tələb ediblər.

 

Materialda Tacikistan vətəndaşlarının bəzilərinin bir ildən artıqdır ki, ABŞ-da olduğu bildirilir.

 

NBC telekanalı iyunun 12-də Tacikistan vətəndaşlarının saxlanması barədə məlumat yayıb.

 

Telekanalın məlumatına görə, müttəhimlər FTB-nin üç şəhərdə - Los-Anceles, Nyu-York və Filadelfiyada keçirdiyi reydlər zamanı həbs edilib.

 

Qeyd olunur ki, saxlanılanların hamısı ABŞ-a Meksikadan - ölkənin cənub sərhədindən keçiblər. Onlardan ən azı ikisi 2023-cü ilin yazında ABŞ-a köçüb.

 

Eyni zamanda “The New York Post” yazır ki, saxlanılan 8 nəfərdən altısı Tacikistandandır, lakin Rusiya vətəndaşıdır.

 

Nigar

 

Oxu24.com