Finlandiya rəsmiləri NATO qoşunlarının daimi mövcudluğuna ehtiyac duymadıqlarını bildiriblər

Finlandiya prezidenti Alexander Stubb Helsinkidə keçirdiyi mətbuat konfransı zamanı bildirib ki, ölkənin öz ərazisində böyük NATO qüvvələrinin daimi mövcudluğuna ehtiyac yoxdur.

 

Oxu24.com xəbər verir  ki,bu barədə RİA Novosti məlumat yayıb.

 

"Mən NATO və ya ABŞ qüvvələrinin bütün briqadalarını burada yerləşdirəcəyimiz barədə bəzi fikirləri dağıtmaq istərdim .Biz belə bir şey etməyəcəyik, lakin intensiv təlimləri alqışlayırıq", deyə Stubb bildirib.

 

O əlavə edib ki, Finlandiyanın iştirak etdiyi bir sıra NATO təşəbbüsləri ölkədə zabit qruplarının olmasını nəzərdə tutur.

 

Bundan əvvəl Stubb Helsinkidə NATO-nun baş katibi Yens Stoltenberqlə birgə mətbuat konfransı zamanı bildirib ki, ölkə Ukraynaya öz ordusunu göndərmək niyyətində deyil.

 

O əlavə edib ki, Helsinki NATO-nun digər üzvləri ilə Kiyevə maliyyə və hərbi yardım sahəsində əməkdaşlıq edir və Rusiyanın Baltikyanı ölkələr və Şimali Avropa üçün təhlükə yaratdığına aydınlıq gətirib.

 

Narışkin bundan əvvəl Makronun NATO qoşunlarını Ukraynaya göndərmək ideyasından danışıb.

 

Nigar