Miller: "Gürcüstana yenidən yardım edə bilərik, çünki..."

"ABŞ mübahisəli olan “Xarici təsirin şəffaflığı haqqında” qanunun qəbulu və ölkənin anti-Qərb dönüşü səbəbindən Gürcüstana yardıma yenidən baxa bilər".

Oxu24.com xarici mediaya istinadən xəbər verir ki, bu sözləri  jurnalistlərlə söhbətində ABŞ Dövlət Departamentinin nümayəndəsi Metyu Miller deyib.

Millerdən soruşulub ki, ABŞ bu ölkədə baş verən son hadisələri və hakim partiyanın siyasətçilərinin açıq-aşkar qeyri-dost bəyanatlarını nəzərə alaraq bundan sonra Gürcüstanla münasibətlərdə necə hərəkət etməyi planlaşdırır?

Miller cavabında bildirib ki, ABŞ cavabında təmkinli olacaq, çünki hazırda Dövlət Departamentində Gürcüstanla münasibətlərə yenidən baxılması nəzərdən keçirilir:

"Xüsusilə iki həftə əvvəl elan etdiyimiz potensial sanksiyalar və viza məhdudiyyətlərini müzakirə edirik gedir. İndi biz nəyi necə və nə vaxt edəcəyimizi öyrənirik”, - deyə Miller bildirib.

Xatırladaq ki, bir müddət öncə ABŞ-ın dövlət katibi Entoni Blinken Gürcüstana viza məhdudiyyətinin tətbiq olunduğunu və məhdudiyyətin bu ölkədə demokratiyanın pozulmasına görə məsuliyyət daşıyan şəxslərə şamil ediləcəyini açıqlamışdı.

Mənbə: Reuters.com

Yeganə