Macarıstanın Xarici İşlər və Xarici Ticarət naziri Peter Szijyarto İsveçrədə Ukrayna ilə bağlı keçiriləcək sülh sammitində ölkəsini təmsil edəcək.

Oxu24.com xəbər  verir  ki, bu barədə TASS-a Macarıstan Xarici İşlər Nazirliyinin rəhbəri məlumat verib.

“Biz Xarici İşlər Nazirliyi səviyyəsində təmsil olunacağıq, mən  təmsil edəcəyəm”, - deyə Szijarto Macarıstanın İsveçrə konfransında iştirak edib-etməyəcəyi ilə bağlı suala cavab verib.

Ukrayna münaqişəsinin Rusiyanın iştirakı olmadan həllinə dair sammit iyunun 15-16-da İsveçrənin Bürgenstok kurortunda keçiriləcək. Toplantıya 160-dan çox ölkədən nümayəndə heyətləri dəvət olunub. Onların təxminən yarısı iştirakını təsdiqləyib.

İyunun 4-də İsveçrə Xalq Partiyası (SVP) Berni Rusiyanı müvafiq konfransa dəvət etməyə çağırıb. Partiya iddia edirdi ki, əks halda tədbir Rusiya Federasiyasının əleyhdarları üçün konfrans kimi görünəcək. Kreml ümumilikdə partiyanın mövqeyi ilə razılaşaraq, müasir İsveçrənin neytrallıqdan uzaq siyasət yürütdüyünü qeyd edib.

Nigar