2 illik müharibə zamanı Rusiya Ukraynada 210 min binanı dağıdıb və ya zədələyib.

Yenisabah.az xəbər verir ki, bu, uzaqdan zondlama sahəsində 2 aparıcı alim, Nyu-York Şəhər Universitetinin Məzun Mərkəzinin əməkdaşı Kori Şer və Oreqon Dövlət Universitetindən Ceymon Van Den Hoek ilə birlikdə "The New York Times"da aparılan təhlilə əsasən belədir.

Təhlil zamanı radar peyklərinin məlumatlarından istifadə edilib ki, bu da binalardakı kiçik dəyişiklikləri belə aşkar edə bilir.

Təxminən 900-ə yaxın zədələnmiş və ya dağılmış bina Cenevrə Konvensiyaları (müharibə zamanı humanist rəftar standartlarını müəyyən edən) ilə qorunan ərazilərdir. O cümlədən: 106 xəstəxana, 109 kilsə və 708 məktəb.