Fələstin HƏMAS hərəkatının siyasi bürosunun rəhbəri İsmayıl Haniyə Rusiya Federasiyasını Qəzzanın təhlükəsizliyinin təminatçıları arasında görmək istədiyini bildirib.

Oxu24.com   xəbər  verir  ki, O, bu barədə Türkiyənin “A Haber” telekanalının efirində bildirib.

“Bu məsələ ilə bağlı tələblərimiz qüvvədə qalır. Biz Misir, Qətər, Türkiyə, Rusiya, BMT-nin qarant olmasını istəyirik”.

Eyni zamanda o qeyd edib ki, gələcəkdə ABŞ da belə qaranta çevrilə bilər. Onun sözlərinə görə, İsrail “daim buna qarşı çıxır”.

Haniya qeyd edib ki, “Biz həmişə zamin ölkələrə olan tələbi birinci yerə qoyuruq”.

Aprelin əvvəlində məlum oldu ki, Türkiyə bölgədəki “siyasi və hərbi mövcudluğundan” istifadə edərək Fələstinin təhlükəsizliyinin təminatçısı kimi çıxış etməyə hazırdır.

Bu barədə “Sabah” qəzeti mənbələrə istinadən məlumat yayıb.

Bundan əvvəl Türkiyənin xarici işlər naziri Hakan Fidan xəbərdarlıq etmişdi ki, Qəzzada hazırda həlli olmayan münaqişə indi baş verən yeni münaqişələrə səbəb ola bilər.

Afət