Rusiya Daxili İşlər Nazirliyinin əməkdaşları Rusiyanın iri İT şirkətinin məlumat bazasını oğurlayaraq internetdə satmağa cəhd edən 3 hakeri saxlayıblar.

Oxu24.com  xəbər  verir  ki, cinayətkarlar xidmət işçilərinin şəxsi məlumatlarını ehtiva edən 600 mindən çox qeydi qanunsuz olaraq köçürüblər.

Rusiya Daxili İşlər Nazirliyinin rəsmi nümayəndəsi İrina Volk deyib: “Hücum edənlər Rusiyanın ən böyük İT şirkətlərindən birinin kommersiya sirri olan qanunla qorunan məlumatları qanunsuz surətdə köçürüb və yayıblar”.

Müstəntiqlərin müəyyən etdiyi kimi, 2023-cü il noyabrın 14-dən gec olmayaraq, Rostov vilayətində yerləşən cinayətkarlar sui-qəsd qurub, rolları öz aralarında bölüşdürüblər.

Onlar varlanmaq üçün qanunsuz olaraq Moskvada yerləşən ən böyük təşkilatın məlumat bazasını əldə edib və darknetdə onun satışı ilə bağlı elan yerləşdiriblər.

Hüquq-mühafizə orqanlarının əməkdaşları 25-36 yaşlarında olan üç kişini saxlayıblar. Onlara qarşı ittiham irəli sürülüb.

İstintaq çərçivəsində Moskva, Rostov vilayəti və Krasnodar vilayətində axtarışlar aparılıb. Saxlanılan şəxslərin cinayətdə iştirakını göstərən elektron daşıyıcı ələ keçirilib.

Faktla bağlı Rusiya Federasiyası Cinayət Məcəlləsinin 183-cü maddəsinin 3-cü hissəsi “Kommersiya sirri təşkil edən məlumatların qanunsuz əldə edilməsi və açıqlanması” və Rusiya Federasiyası Cinayət Məcəlləsinin 272-ci maddəsinin 1-ci hissəsi ilə “Qanunsuz giriş-çıxış” ilə cinayət işi başlanıb.

Nigar