Honq Konq sakini ilk dəfə simian herpes virusuna yoluxub

Honq Konqda simian herpes virusuna (virus B) ilk yoluxma halı qeydə alınıb.

 

Oxu24.com  xəbər  verir  ki, Bu barədə çərşənbə günü, aprelin 3-də Honq Konq hökumətinin xəbərlər şəbəkəsi Səhiyyə Nazirliyinin Sağlamlığın Mühafizəsi Mərkəzinin məlumatlarına istinadən məlumat yayıb.

 

Qeyd olunur ki, söhbət fevralın sonunda Jinshan Country Parkda vəhşi meymunun hücumuna məruz qalan 37 yaşlı kişidən gedir.

 

Xəstə ağır vəziyyətdə şəhər xəstəxanalarından birinin reanimasiya şöbəsindədir.

 

Onun serebrospinal maye nümunəsi laboratoriyada yoxlanılıb və B virusu müsbət çıxıb.

 

Honq Konq Sağlamlıq Mərkəzinin məlumatına görə, xəstəlik insanlarda qripə bənzər simptomlara səbəb ola bilər.

 

Xəstəlik mərkəzi sinir sisteminə də təsir edə bilər, lakin virusun insandan insana keçməsi çox nadir hallarda baş verir.

 

Şəhər sakinlərinə vəhşi meymunlardan uzaq durmaq, yaralarını axar su ilə yumaq və dərhal həkimə müraciət etmək tövsiyə olunur.

 

Simian herpes virusuna yoluxma halları əvvəllər ABŞ, Yaponiya və Kanada da daxil olmaqla digər ölkələrdə də bildirilmişdi.

 

Bundan əvvəl Alyaskada ilk insan ölümü Alyaskapox virusundan (AKPV) qeydə alınıb. Xəstəliyin qurbanı pişiyindən yoluxmuş ola biləcək yaşlı kişi olub.

 

Nigar