Güclü zəlzələ baş verdi

Tayvanda baş verən güclü zəlzələ nəticəsində ölənlərin sayı 10-a, yaralıların sayı isə 934-ə çatıb.

 

Oxu24.com  xəbər  verir   ki, Çin Mərkəzi Televiziyası yanğınsöndürmə xidmətlərinə istinadən məlumat yayıb.

 

Aprelin 3-də Tayvanda son dörddəbir əsrin ən güclü zəlzələsi baş verib.

 

Ölkənin meteorologiya xidmətinin mütəxəssisləri 7,4 maqnituda olduğunu qeyd ediblər.

 

Zəlzələnin episentri Hualien şəhərindən təxminən 18 kilometr cənub-qərbdə yerləşib.

 

Təbii fəlakət nəticəsində 26-ya yaxın bina dağılıb.

 

87 min ev işıqsız qalıb. Sonuncu dəfə adada bu miqyasda zəlzələ 1999-cu ildə baş verib.

 

Bild nəşri yazıb ki, Tayvanın Taroko Milli Parkında yerləşən Çonqde tunelində iki Almaniya vətəndaşı bloklanıb.

 

Bundan əvvəl məlum olub ki, dünyanın ən böyük yarımkeçirici istehsalçılarından biri olan Taiwan Semiconductor Manufacturing Co.-nun itkiləri. Tayvanda baş verən zəlzələdən təxminən 60 milyon dollar təşkil edəcək.Şirkət seysmik hadisə ilə əlaqədar bəzi fabriklərin ərazilərindən işçilərini təxliyə edib.

 

Bundan əvvəl Tayvanda baş verən zəlzələnin elektronikanın qiymətlərinin artmasına səbəb olacağı bildirilirdi.

 

Nigar