Amerika Birləşmiş Ştatlarının dövlət katibi Entoni Blinken tezliklə Çinə rəsmi səfər edəcək.

Oxu24.com  bu barədə Ağ Evin nümayəndəsinə istinadən xəbər verir.

“Liderlərin çağırışından sonra biz nazirlər səviyyəsində diplomatiya vasitəsilə maraqlarımızı irəli sürməyə davam edəcəyik, o cümlədən yaxın günlərdə Xəzinədarlıq katibi Janet Yellenin və yaxın həftələrdə dövlət katibi Antoni Blinkenin Çinə səfərləri olacaq ”, -   deyə  Ağ Ev bildirib.

Bundan əvvəl Çin Xalq Respublikasının (ÇXR) sədri Si Cinpin və ABŞ prezidenti Co Bayden arasında telefon danışığı olub.

Bir gün əvvəl Çin sədri Si Cinpin ABŞ-ın işgüzar dairələrinin nümayəndələri ilə görüşündə Vaşinqton və Pekin arasında münasibətlərin xarakterinin təkcə iki dövlətin xalqlarının rifahına deyil, həm də gələcəyinə təsir etdiyini bildirib. 

Miri