Lukaşenko: Biz müharibəyə hazırlaşırıq

Belarus prezidenti Aleksandr Lukaşenko ölkəsinin müharibəyə hazırlaşdığını, lakin döyüşmək istəmədiyini bildirib.

 

Oxu24.com  xəbər  verir  ki, onun sözlərini Belarusun BelTA agentliyi yayıb.

 

“Bizim döyüşmək istədiyimizə heç kimə inanmayın. Biz müharibəyə hazırlaşırıq, mən bu barədə açıq deyirəm. "Sülh istəyirsənsə, müharibəyə hazırlaş" - mən bunu düşünmədim. Bu, çox düzgün deyilib”, - Lukaşenko Qrodnoya işgüzar səfəri zamanı deyib.

 

O qeyd edib ki, Belarusda lazımi hazırlıq işləri görülür, qoşunlara müxtəlif növ silah və texnika verilir.

 

Onun sözlərinə görə, əgər “dost olmayan ölkələrdən kimsə ağlayır və bizi tənqid edirsə”, Minsk hər şeyi düzgün edir, amma ölkəni tərifləməyə başlayırlarsa, bu, fəlakətdir.

 

Bundan əvvəl Lukaşenko bildirib ki, NATO ölkələrinin qoşunları Ukrayna uğrunda ukraynalılar kimi döyüşməyəcək.

 

 

Nigar